AMARO NYINGA-LEO PaLAYENG


(Mwoc) Kolo matar, Arumu kuu, pyen lyec yee, pe dole,
.......................
*Verse one*
Tong oromo lyec do wun kaka,
Dyang oyee loc labongo lakwat,
Acut oroto coo manino ki olo,
Akanyo dong kwe Rubanga in i cweya,

Apenya Kaka kuu ni wek gi onywala,
Waraga moo, pe apenya pi kwo,
Anongo gita nyinga pi ber pa kwari na,
Oweko cwinya deg lujok ma balo nyinga

I cimo raca ducu ka wang kaka,
Ki loko in aye idoko labal,
I timo tic ducu lucam pat ki in,
Ki kwoto ma iwinyo ngat ma pwoyi peke,

Angwaro gite nyero pi tar laka,
I miyo woro ducu ki kwo kere,
Lurem ilobo ni gu lony ki kwo na
Rubanga alegi cula ki tic cinga do

Twara bal koc tuku na
Pe ibala nyinga do Omera,
Nyon gidi war na ma aruku tyena
Pe ituk ki nyinga~lutua.

Ber na ni,
Oweko ingeyo nyinga do joone,
Raca moo tyee twara iwaca
Loyo lak kinyinga ikin piny,

Minga ma iyeto ni,
Pud labo can wuu pingo ilak ki nyinga,
Kwona ma ilamo ni,
Okonyo wa lutuu pingo icabo nyinga
....................
(Chorus)
An amaro gita nyinga,
Ma kato lonyo ducu ma dano yenyo wilobo ni ada,
Lonyo na,
Tye inyinga ma diki dong iwilobo ni matwal X2.
............................,
*Verse two*

Tong ma neko lee jwii jwi butu koyo,
Ngat ma paro pire bene inongo peke,
Gwok ma mako lee ni mogo keng cogo
Ikum kwiri ne iyoo ka dwar,

Pungua ma yabo dogola gold,
Nyal lony kwede ce dong bedo ning ning?
Kodi ma i gwoko pi pit i anyim,
Kilanyo woko kikeno ci dong twii ning ning?

Maa pe opwonya ki oddo,
Wora otto Lapwony oywala ki deko,
Kwiri ma anywala pe alego alega,
Awoto lam nono pe icung inyima,

Kuc ma megi~alaro kuu do
Kec kuma, apoki kuu,
Kuca, nongo meg wa weng
Cii ngo ma weko in abalo bwunyu na,

Apongo lobo nono kuu ya,
Rubanga ocimo wacon pi yoo kwoo na,
In idano adana ni bal cam doga,
Weka gita nyinga ki deyo mere.
........................
(Chorus)
An amaro gita nyinga,
Ma kato lonyo ducu ma dano yenyo wilobo ni ada,
Lonyo na,
Tye inyinga ma diki dong iwilobo ni matwal X2.
........................
*Verse three*
Luka ka na wee, Lurom wutye awero lok cwinya Luming balo nyinga, Lukaka wee, Ludito Acholi weng kicego wang adola ma tye icwinya kany, gin ma weko ilo wi kwot odoko lam, amaro gira nyinga ma loyo lonyo wilobo, gin ma weko acoro widero poto piny, adeg ororo ma doko yoo kwo na, Abalo pa nga mene ma aturu bade, Laporo mene ma pe aculu luke, kec pa ngo do ma i butu i oda, ngo ma an atwoni idye kal tua ni, Lak

ki nyinga ni ce gwok yengi ba, Balo ber bedo ce gwok teri ipolo, Dwon ma longo ni ce gwok nyutu niyang,Wilobo ni kade megi miya anyong do. Lacwec bene neno wa in bene ingeyo pi leng cwinya ni oweko ipwonyo kwo, Latoo wang oneno wa lading it owinyo pi ber ba nyinga ni oweko ibango kwoo~
.........................................
*Verse four*
Okukule moo ma gwoko gang peke,
Labalpiny bi too labalpiny,
Opoko ma iye nono olil ki woko,

Akwero lok dogi tin matwal~ X2
Gin kuma ma wuyenyo ni wai ka oa malo,
I golo Olwedo makwo ka teko kin wa,

Gin kuma ma wuyenyo ni wai ka oa malo,
I golo kwara makwo ka teko kin wa.
Wiya deg redo, wiya deg redo,
Alubu gin ming kuu P-Layeng yee kuu X2

(Mowc)
Kolo matar,
Arumu kuu,
Pyen lyec yee, pe dole


Abedo ki gen ducu ni in omera ki cwinya nongo weng do.....
Nyeko cwiny moo ma akano iya peke ikum in.....
Ororo mo ma dongo lobo peke pi in ma tubu kin wa......
Karubu kin kaka inyayo mone pingo itingo wic ki leb ka odoko too....

Wilobo ni kade megi miya moo matidi wek anyong doo....
I coko lok ducu I balo nyinga gidi ma bala mo peke doo...
Spare me nyinga peke ikin piny, Itono cwinya pingo?
Kica nongo myero amaki pinyinga ni keken obed ki deyo ne do lutua.